کرانس-مونٹانا:
سوئٹزرلینڈ کے معروف سکی ریزورٹ کرانس-مونٹانا میں نئے سال کی تقریبات اس وقت سانحے میں تبدیل ہو گئیں جب جمعرات کی علی الصبح ایک مشہور بار میں زور دار دھماکہ ہو گیا، جس کے نتیجے میں کم از کم 10 افراد ہلاک جبکہ درجنوں زخمی ہو گئے۔
یہ دھماکہ مقامی وقت کے مطابق تقریباً رات 1:30 بجے “لی کنسٹیلیشن” نامی بار میں پیش آیا، جہاں اس وقت 100 سے زائد افراد نئے سال کا جشن منا رہے تھے۔ دھماکے کے فوراً بعد پنڈال میں افراتفری پھیل گئی اور امدادی ٹیمیں فوری طور پر موقع پر پہنچ گئیں۔
ریسکیو اہلکاروں نے زخمیوں کو قریبی اسپتالوں میں منتقل کیا، جبکہ متعدد افراد کی حالت تشویشناک بتائی جا رہی ہے۔ سیکیورٹی خدشات کے پیشِ نظر حکام نے پورے علاقے کو سیل کر کے نو فلائی زون قرار دے دیا ہے۔
🇨🇭⚡ Several people were ki!!ed and others injured after an explosion tore through a bar in the luxury Alpine ski resort of Crans-Montana, Swiss police say.
A cantonal police spokesperson told AFP that the blast was of unknown origin while confirming multiple fatalities. pic.twitter.com/GGbEOvvKrk
— Osint World (@OsiOsint1) January 1, 2026
پولیس اور فرانزک ٹیمیں جائے وقوعہ سے شواہد اکٹھے کر رہی ہیں جبکہ دھماکے کی نوعیت اور وجوہات جاننے کے لیے تحقیقات جاری ہیں۔
کرانس-مونٹانا، جو برن سے تقریباً دو گھنٹے کی مسافت پر سوئس الپس میں واقع ہے، دنیا بھر میں اپنی اسکیئنگ، لگژری ریزورٹس اور سیاحتی سرگرمیوں کی وجہ سے مشہور ہے۔ یہی وجہ ہے کہ اس پُرامن سیاحتی مقام پر پیش آنے والا یہ واقعہ مقامی آبادی اور سیاحوں دونوں کے لیے شدید صدمے کا باعث بنا ہے۔
تاحال ہلاکتوں کی حتمی تعداد جاری نہیں کی گئی، تاہم حکام نے مزید اموات کے خدشے کا اظہار کیا ہے۔ سوئس حکام نے عوام سے اپیل کی ہے کہ وہ متاثرہ علاقے سے دور رہیں اور سرکاری ہدایات پر عمل کریں۔
