لاہور – پاکستان کے ون ڈے کپتان محمد رضوان نے کہا ہے کہ ٹیم کو چیمپئنز ٹرافی میں صائم ایوب کی کمی ضرور پڑے گی۔
انہوں نے اس بات پر زور دیا کہ بہترین ممکنہ ٹیم کی تشکیل کے لیے اسکواڈ کا انتخاب احتیاط کے بعد کیا گیا ہے۔
لاہور میں پریس کانفرنس کرتے ہوئے رضوان نے فہیم اشرف اور خوشدل شاہ کی سلیکشن پر بات کرتے ہوئے کہا کہ ٹاپ فارم میں موجود کھلاڑیوں کو ترجیح دی جانی چاہیے، فہیم اور خوشدل دونوں اس وقت اچھی کارکردگی کا مظاہرہ کر رہے ہیں۔
انہوں نے مزید کہا کہ لاہور میں شبنم کا عنصر ہو سکتا ہے جس کی وجہ سے وہ صرف ابرار احمد کو اسپنر سمجھتے ہیں۔
فخر زمان کے حوالے سے رضوان نے واضح کیا کہ فخر کی طبیعت ناساز ہے جس کی وجہ سے انہیں ٹیم میں شامل نہیں کیا گیا اور اس سے زیادہ کچھ نہیں ہے۔
