صوابی – خیبرپختونخوا کے ضلع صوابی میں گھریلو جھگڑے کی وجہ سے بیوی نے اپنے والدین کے گھر جانے کے بعد ایک شخص نے اپنے چار بچوں کو قتل کر کے خودکشی کر لی۔
ریسکیو حکام نے بتایا کہ واقعہ یار حسین سرہ چائنہ کے علاقے میں پیش آیا جہاں سیف الاسلام نے بچوں کو ذبح کرنے کے لیے تیز دھار ہتھیار کا استعمال کیا اور بعد میں اپنی زندگی کا خاتمہ کر لیا۔
جاں بحق ہونے والوں میں دو بیٹے اور دو بیٹیاں شامل ہیں۔ ان کی شناخت 12 سالہ ضیا، 10 سالہ عبدالرحمان، 8 سالہ ثنا اور دو سالہ نابالغ کے طور پر کی گئی ہے۔
سیف پیشے کے اعتبار سے درزی تھا اور اس کی بیوی کئی روز قبل دونوں کے درمیان جھگڑے کے بعد گھر چھوڑ کر چلی گئی تھی۔
پولیس نے کہا کہ کرائم سکیم سے شواہد اکٹھے کیے جا رہے ہیں لیکن بظاہر یہ ظاہر ہوتا ہے کہ اس شخص نے بچوں کو قتل کیا اور بعد میں خودکشی کر لی۔ تاہم حقائق جاننے کے لیے تحقیقات کی جائیں گی۔
