اسلام آباد – الیکشن کمیشن آف پاکستان (ای سی پی) نے اثاثہ جات کے گوشوارے جمع نہ کرانے پر سینیٹ، قومی اسمبلی اور صوبائی اسمبلیوں کے 139 ارکان کی رکنیت معطل کر دی ہے۔
جن ایم این ایز کی رکنیت معطل کی گئی ہے ان میں چوہدری طارق بشیر چیمہ، اختر مینگل، میاں اظہر، محمود سلطان، علی قاسم گیلانی، طاہر اقبال اور فرخ الطاف شامل ہیں۔
الیکشن کمیشن نے پنجاب اسمبلی کے 68 ارکان کی رکنیت معطل کر دی ہے جن میں صاحبزادہ غزین عباسی، فرحت عباس اور جاوید کوثر شامل ہیں۔
علاوہ ازیں امیر جماعت اسلامی حافظ نعیم الرحمان سمیت سندھ اسمبلی کے 15 ارکان کی رکنیت معطل کردی گئی ہے۔
خیبرپختونخوا اسمبلی کے 33 ارکان اسمبلی کی رکنیتیں معطل کر دی گئی ہیں۔ صوبائی وزرا عدنان قادری، مینا خان اور فضل الحق بھی ان افراد میں شامل ہیں جن کی رکنیت معطل کی گئی ہے۔
یہ ارکان اس وقت تک قانون سازی اور اسمبلی اجلاسوں میں شرکت نہیں کر سکیں گے جب تک ان کی رکنیت بحال نہیں ہو جاتی۔
انہیں اپنی رکنیت بحال کرنے کے لیے ای سی پی کو اپنے اثاثوں کے ڈیکلریشن جمع کرانے کی ضرورت ہے۔
