اسلام آباد – پاکستان اور ہندوستانی ڈائریکٹر جنرل ملٹری آپریشنز (ڈی جی ایم اوز) نے 29 اپریل کو ہاٹ لائن پر بات کی۔ یہ بات غیر ملکی میڈیا نے بتائی۔
میڈیا رپورٹس کے مطابق دونوں فوجی رہنماؤں نے لائن آف کنٹرول (ایل او سی) پر جنگ بندی کی حالیہ خلاف ورزیوں پر تبادلہ خیال کیا۔
غیر ملکی میڈیا کے مطابق پاکستان اور بھارت کے ڈائریکٹر جنرل ملٹری آپریشنز (ڈی جی ایم اوز) نے لائن آف کنٹرول (ایل او سی) پر خلاف ورزیوں پر بات چیت کے لیے رابطہ قائم کیا۔
سیکیورٹی ذرائع نے انکشاف کیا کہ 29 اور 30 اپریل کی درمیانی شب بھارت نے ایل او سی پر جنگ بندی کی خلاف ورزی کرتے ہوئے کیانی اور منڈل سیکٹرز میں بلا اشتعال فائرنگ کی۔
بھارتی بلا اشتعال فائرنگ میں چھوٹے ہتھیاروں کا استعمال کیا گیا جس کا پاک فوج نے بھرپور اور موثر جواب دیتے ہوئے ایل او سی پر دشمن کو خاموش کرا دیا۔
یہ بھی بتایا گیا ہے کہ پاک فوج کی جوابی کارروائی کے نتیجے میں متعدد بھارتی چوکیاں تباہ ہوئیں، جن میں مقبوضہ کشمیر میں بھارتی ’’چک پترا‘‘ پوسٹ کی تباہی بھی شامل ہے۔
