یمن کے ساحل اور افریقی ساحلی پٹی کے قریب پناہ گزینوں کی چار کشتیاں الٹنے سے کم از کم 186 افراد لاپتہ ہیں۔
رپورٹس میں کہا گیا کہ بین الاقوامی ادارہ برائے مہاجرت (IOM) نے بتایا کہ مہاجرین کو لے جانے والی چار کشتیاں افریقی ملک جبوتی اور یمن کے ساحلی علاقوں کے قریب ڈوب گئیں۔
ریسکیو ٹیمیں دو افراد کو بچانے میں کامیاب ہوئیں جب کہ 186 افراد سمندر میں ڈوب گئے۔
2024 میں ہارن آف افریقہ کو عبور کرنے کی کوشش میں 558 افراد اپنی جان سے ہاتھ دھو بیٹھے۔
گزشتہ ماہ لیبیا کے ساحل پر پاکستانیوں سمیت 65 کے قریب مسافروں کو لے جانے والا بحری جہاز الٹ گیا تھا۔
ایک بیان میں، دفتر خارجہ نے انکشاف کیا تھا کہ طرابلس میں پاکستانی سفارتخانے نے واقعے کی اطلاع دی، جس میں کہا گیا کہ جہاز، تقریباً 65 مسافروں کو لے کر، لیبیا میں زاویہ شہر کے شمال مغرب میں واقع مارسا ڈیلا کی بندرگاہ کے قریب ڈوب گیا۔
اس سال جنوری میں مراکش کے قریب 80 مسافروں سے بھری ایک کشتی الٹ گئی تھی۔ جہاز میں 86 تارکین وطن سوار تھے، مراکشی حکام نے بتایا کہ مسافروں میں سے 66 پاکستانی شہری تھے۔ اس واقعے کے بعد مراکشی حکام نے 36 افراد کو بچا لیا۔
کشتیوں کے سانحات میں پاکستانیوں کی ہلاکت کے بعد وزیراعظم شہباز شریف نے حکام کو انسانی سمگلروں اور غیر قانونی نقل مکانی میں سہولت کاروں کے خلاف سخت کارروائی کرنے کی ہدایت کی تھی۔
